نقاشات جادة بين البنات والشباب

اة يا قاسم يا بتاع المواضيع المتميزة انت
مرصسى اوى على الموضوع
بس فين البنا عالشان يردو

والله ياجماعه انا بشوف انه سعات وسعات
يعنى سعات لا مش سعات دا كتير بيكون لبس البنات ذى الزفت وانا نفسى ببصلهم باستحقار
وده بيبقى البنات هما اللى السبب
لكن سعات بشوف بنات محترمه محجبات ولابسين تونك وسعات عبايات
وحاطين وشهم فى الارض لكن برضو مش بيترحمو من المعاكسات ومن الولاد اللى بترخم
وده بقى سببه الولاد اللى معندهمش حاجه غير المعاكسه والرخامه على البنات
وده رايى

انا برضو رايى من راى منى
الصراحه انا شايفه ان 90% البنات هى اللى بتبقى السبب فىكده
الايام دى البنات كلها مستعبطه جدا
وبسبب لبس البنات ده الاولا مبيقدروش يمسكو نفسهم
بس هما لو اولاد محترمين مالهمش دعوه
لاكن للاسف الاولاد معندهمش سيطره على نفسهم
فا انا شايفه ان الطرفين غالطانين فى الحاله دى
لكن لو البنت محترمه ولبسه لبس محترم وكده
والاولاد عاكسوهم
يبقى العيب فى الاولاد
وده رايى
وميرسى يا قاسم على الموضوع الجامد والمهم ده

بس يا شروق انا برضو بقول ان فى ولاد واولاد
يعنى فى ولاد بشوفهم محترمين جدا
وعمرى ما شوفتهم بيعاكسوا بنات
وفى ولاد عمرى ماشوفتهم مابيعاكسوش بنات
وفعلا البنات كلهم بقوا قلالات الادب قليل اوى لما الاقى بنت محترمه
بيبقوا معدودين

الحمد للة
اخيرا لقينا حد يقف فى صفنا
اصل احنا مظلومين اوى واللة
بس ماقلتوش بردو
ياترى ماعندكوش سوال لينا

لا انا ماجيتش فى صفكوا
انا فى صف البنات المحترمه

واحنا كمان فينا محترمين واللة
بس انتى بردو ماعندكيش سوال لينا

ماشى
هو الحقيقه فى سؤال محيرنى
ليه الولاد كلهم لما يخلصوا جامعه بيقولوا احنا مش لاقيين شغل؟
مع ان فى ناس كتير اوى بيشتغلوا وبيكونوا لسه متخرجين

مش عارف الحقيقة
بس انا لعلميك لسة بدرس بس بشتغل من وانا صغير
ليس احتيجا للفلوس
ولاكن عالشان اعتمد على نفسى واقدر اصرف على نفسى
اما عن الشباب اللى انتى بتتكلمى عنهم دول
فادول شباب بابا رباة على انو مايوسخش ايدو
عايزة ازاى يشتغل
بابا رباة على ان كل حاجة بيعزها بيلاقيها
واحد واكل شارب نايم ببلاش
عايزاة يشتغل لية

والله الحوار ده المسؤول عنه اتنين اول حاجة الشباااب وغباءهم وكسلهم والتانى البلد
وبعدين اللى عاوز يشتغل ومصمم على الشغل بيدور مش بيستسلم لكن الشباب دلوقتى مقتنعين بالبطالة بنسبة 99%

فعلا
فى شباب وشباب فى شباب بيحب يقعد فى البيت ويعاكس وفى شباب بيحبوا يشتغلوا
يعنى تقدرى تقولى 20%من الشباب بيحب يشتغل وكمان الشباب بيحبوا يفشروا

يفشرو ماشى
على العموم مرسى ليكم اوى
ياترى عاندكم اسالة تانى

ليه دايما الولاد بيحبوا يعترضوا لما البنت تحب تعمل الى هيا عايزاه
والولاد بيعملوا الى هما عايزينه
ومحدش يقول التفريق بين العنصرين
انا مقتنعه جدا ان البنت زى الولد فى كل حاجه

انا بقا مش مقتنع بكدة خالص
اكيد فى حاجة اسمها بنت وحاجة اسمها ولد
والا كنا كلنا حاجة واحدة وخلاص
اما عن ان الولاد بيعترضو فادة حسب الموضوع اللى بيعترضو علية
بس اكيد مش كلهم
انا من الناس اللى بقول ان البنت فعلا ليها حقوق

انا مقولتش البنات زى الولاد فى الصفات
انا بقول فى الشغل فى التفكير
وهقولك ان البنت تبقى اكتر حساسيه من الولاد
بس فى الشغل وحتى الهوايات الولاد يمسكوا البنت تريقه لما مثلا بتحب تلعب اى حاجه
الولاد بيبقوا اكتر ناس بتلعبها
ليه مش عارفه بحس ان فى ولاد مخهم صغير مع انهم اذكيه ,ومش كل الولااد اذكيه
ليه بقى الولد بيعترض على البنت فى الحاجات دى

ليه استحاله
اقولك على انا شايفه ان البنت صفاتها احسن من الولاد جدا
وكمان بتتعب اكتر منه
على فكره كل الى اقول لحد ان انا مقتنعه ان البنت زى الولد يعترضوا
مش عارفه بس انا حسه ان البنت من حقها تعمل الى هيا عايزاه زى الولد

انا معاكى ان البنت من حقها انهى تعمل اللى هى عايزاة زى الولد
بس دة عمرو ما هيخليها زى الولد
الولد لية صفات والبنات ليها صفات
كل شخص لية مميزاتو وعيبو
عانديك اسالة تانى
ولا حابةت انسك تكملى النقاش

المواضيع جامدة والاسئلة والاجابة
انا بقى عايزة ارد على ليالى
الولاد بيكتموا حرية البنت لاننا فى مجتمع شرقى اتربوا ان البنت لازم تتحبس وحريتها مكبوتة بس مش كل الولاد ده كله راجع على التربية من الاساس
يعنى مثلا على طول يقولوا ازاى البنت تجرى وتلعب وتشتغل لانهم سمعوا الكلام ده من اهلهم
ايام زمان بقى وانتى عارفة بس احنا دلوقتى فى القرن 21 ومخنا زى ما هو
انا مش بعترض انا الولاد ميعترضوش بس انا بقول ميعترضوش على كل حاجة من الاخر على الفاضية والمليان
انا مش بعمم يا جماعة
احنا بشر مش حيوانات على فكرة

اولا ارحب بساره بما انها عضوه جديده واقول ليها نورتى المنتدى ياباشا
بما ان ساره جابت زتونة الموضوع
انا بحب لعب الكوره بس مش بمارسها انا برقص نيجر بس
حد من الولاد يسالنا بقى

بس كدة
طب اية النوع المفضل بالنسبة البنات من الشباب

المفروض انك بتقول عيب شايفه فى البنات واحنا نبرر نفسنا
مش تسالنا كاننا فى كرسي الاعتراف ولا ايه